Kovörkinq sadəcə bir məkan deyil, o, sizi və ya komandanızı dəstəkləmək və biznesinizin böyüməsinə, uğur qazanmasına imkan yaratmaq üçün nəzərdə tutulmuş icmadır. Kovörkinq məkanları sizi, biznesinizin böyüməsini və inkişafını təşviq etmək üçün müxtəlif imkanlarla əhatə etməyə çalışır. Networking tədbirləri, seminarlar – virtual olan və ya olmayan – sizə oxşar maraqları və məqsədləri olan insanlar ilə görüşməyə, ictimailəşməyə və əlaqə saxlamağa imkan verir.

Xəyalınızdakı ofisi təsəvvür edin: iş, ilham və şəxsi rahatlıq üçün tam təchiz olunmuş müasir məkan və sizə lazım olan qədər yer var. Məkanın dizaynı biznesinizin xarakterinə tam uyğundur, beləliklə, müştərilərlə görüşərkən düzgün təəssürat yarada biləcəksiniz. Bu yerdə siz əlavə iş sahəsinin təşkilinə vaxt və pul sərf etmədən kadrlarınızı da artıra bilərsiniz. Siz hər gün sizinlə həmfikir olan insanlarla tanış ola bilər, onlarla təcrübələrinizi bölüşə və ya lazım gələrsə əməkdaşlıq edə bilərsiniz.

Getdikcə daha çox sahibkar, startap, frilanser və hətta iri korporasiyaların köhnə ənənəvi iş mühitindən kovörkinqinə yönəlməsinin əsas səbəbi onun effektiv olmasıdır. Və biz kovörkinqə keçməyiniz üçün əsas dörd səbəblə qarşınızdayıq!

Kovörkinq məkanında üzvlərin bir-biri ilə iş yerini paylaşması, sizin eyni problemlərlə üzləşən digər sahibkarlarla qarşılıqlı əlaqəyə girməyinizə imkan verir. Əlbəttə ki, cəmiyyətin bir hissəsi olmaq üçün bir-birinizin yanında oturmanıza ehtiyac yoxdur - özəl ofisləri tutan insanlar həm də kovörkinq tədbirlərinə və sosial fəaliyyətlərə qoşulmaqla daha geniş icmanın bir hissəsidirlər. Texnologiya sənayesi hər gün yaradılan yenilənmələr və inkişaflarla sürətlə dəyişir, yeniliklərdən xəbərdar olmaq, yeni biliklər əldə etmək və uyğunlaşmaq üçün təkmilləşdirmə strategiyalarını kəşf etmək vacibdir. Birgə iş sahəsi yeni ideyalara və iş üsullarına qapılar açacaq!

Bir çox yeni şirkətlər və ya frilanserlər ofis icarələri və ya böyük depozitlər üçün tam öhdəlik götürə bilmirlər. Lakin kovörkinq mərkəzində müxtəlif üzvlük seçimləri ilə siz və biznesiniz üçün uyğun olanı seçə bilərsiniz. İstəyirsinizsə, aydan aya və ya hətta həftəlik icarəyə götürə biləcəyiniz seçimləriniz mövcuddur. Kovörkinq məkanlarının üzvləri də öz cədvəllərini təyin etmək və istədikləri zaman işləmək rahatlığına malikdirlər. Artıq müəyyən olunmuş iş saatları və ya başqasının cədvəli ətrafında işləməyə ehtiyac yoxdur!

Hamımız iş-həyat balansının vacibliyini bilirik, lakin təəssüf ki, bugünkü iş yerlərinin çoxunda bunu dəstəkləmək üçün mühit yoxdur. Kovörkinq məkanları sayəsində strukturlaşdırılmış iş rejimi yaratmaq və daha çox nizam-intizam əldə etmək mümkündür. Kovörkinq məkanları üzvlərin ruhlandırıcı mühitdə öyrənə, inkişaf edə və bir-biri ilə əlaqə saxlaya biləcəyi yeni iş mühiti yaratmışdır. Bütün bunlar insanların motivasiyasına və eyni zamanda daha çox produktivliyinə kömək edən amillərdir. İşçilərin rahatlığlı və xoşbəxtliyi, biznesinizdə əldə etdiyiniz qazanca da müsbət təsir göstərəcək!

Kiçik biznesi idarə etmək və ya sərbəst işləmək kifayət qədər əlavə xərclərə səbəb ola bilər. Kovörkinq məkanının üzvü və ya icarəçisi olmaq, bunların çoxunu aradan qaldırmağın asan yoludur. Əlavə kommunal ödənişlər və ya xidmət təminatlarından narahat olmaq lazım deyil. Problemləriniz və yaxud təklifləriniz olduğu zaman rahatlıqla community managerlərlə əlaqə saxlaya bilərsiniz. Lazım olan hər şey sizin üçün hazırdır, sadəcə olaraq komputerinizi gətirin!

Kovörkinq məkanı sizə bir çox üstünlüklər gətirəcək ofis həyatına müasir baxışdır. Bu, müəyyən mərhələdə həm kiçik şirkətlər, həm də fərdlər üçün faydalı təcrübədir. İstədiyiniz yerdə işləmək, eyni zamanda bacarıqlı və motivasiyalı yeni insanlarla tanış olmaq şansı bu gün reallığa çevrilib. Beləliklə, yer seçmək və xəyalınızdakı ofisin gündəlik həyatınızın bir hissəsinə çevrilməsinə icazə verməyin vaxtı gəldi!